C'l artìcul chè 'l è scrit in
Miranduléś |
![]() | ||
Vero come la finzione | ||
![]() L'Emma Thompson in na figùra dal film | ||
Véra cuma na cumèdia 2007 | ||
---|---|---|
Regìa: Marc Forster | ||
Scritōr: Zach Helm | ||
Atōr: Will Ferrell • Maggie Gyllenhall • Tony Hale Emma Thompson • Dustin Hoffman • Queen Latifah | ||
Müsica: Britt Daniel • Brian Reitzell | ||
Léngua: Ingléś | ||
Dürä dal film: 113 minüt | ||
Nasiōṅ: Stat Unî |
Vero come la finzione (Véra cuma na cumèdia) l'è na cumèdia dramàtica americàna dal 2007 ad Marc Forster scrita par Zach Helm e giràda a Chicago (Illinòis).
Custàda trénta migliòṅ ad dòlar, la pelìcula la 'n à fat pò sù da piò ad sinquànta-tri.
Harold Crick (Will Ferrell) 'l è 'n agìnt dal tasi americàṅ, un tisi put tut precìś ch'al fà sèmp'r i stés quèi tut i dè. Un dè, méntar 'l è in ufìsi a lauràr, al sènt na vóś dna dóna ch'a pâr ch'la vója cuntàr la sò vita cuma s'la fus 'n èsar ch'la sà incòsa. 'L óm al fà finta 'd gnint ma pò al sènt na fraś casàda lè, «Se sōl 'l is savû che...», ch'la 'l buta śò parchè la dascór dla sò mòrt.
Harold al sènt al biśógn ad cunfidàr-as c'n un prufesōr espèrt ad literadùra, Jules Hilbert (Dustin Hoffman), e 'l cata cunfòrt in na relasiòṅ cun na negusiànta ch'la vénd di biscutèṅ, l’Ana Pascal (Maggie Gyllenhaal), che lò 'l à cgnusû durànt un cuntròl parchè la s tgniva la part dal tasi destinàda a 'l spéśi militàri, esénd lē par la paś.
In cal méntar, da na quàlc banda dla sità, la scritōra Karen Eiffel (Emma Thompson), jutàda par la segretària Penny Escher (Queen Latifah), la n sà pròpria minga cuma far murìr al prutagunìsta dal sò ùltim lìbar, 'n ispetōr dal tasi ciamâ Harold Crick.